!!إدمان السكر إزاى تتغلب عليه
السكر موجود فى معظم الأطعمة المصنعة زى الحلويات و المخبوزات و الأطعمة المجمدة و المشروبات الغازية و معدل إستخدام الإنسان للسكر فى تزايد مستمر و ده للأسف بيسبب إرتفاع نسبة أمراض كتير بيسببها السكر على المدى الطويل زى :
● مرض السكر من النوع الثاني
● السمنة
● أمراض القلب والأوعية الدموية
السكر ليه أسماء كتير جدا و ممكن يختلط عليك الأمر من كثرة الأسامى للسكر و دى بعض الأسماء اللى بتبقى مكتوبة على منتجات عديدة و هى فى النهاية=سكر
● High-fructose corn syrup
● Fructose
● Corn syrup
● Dextrose
● Maltose
● Sucrose
● Glucose
⬅ السكر إدمان و ده اللى بيخلينا دايما بنفضل ناكل سكريات بالرغم ان احنا عارفين انها غلط و ده ناتج إن السكر بيشتغل على مراكز المكافأة فى المخ و دى بظبط نفس اللى المخدرات بتشتغل عليها و بيفرزوا الدوبامين اللى بيعطى شعور بالسعادة و الإيجابية.
وجدت دراسة على الفئران أن الأطعمة الحلوة أكثر إدمانا من الكوكايين!
● أعطيت الفئران الاختيار بين ماء يحتوي على السكرين (وهي مادة تحلية خالية من السعرات الحرارية) والكوكايين عن طريق الوريد, و النتيجة كانت صادمة
● 94 ٪ من الفئران اختار السكر.
● الفئران اختارت الماء بالسكر و لم تختار الكوكايين حتى و هى مدمنة الكوكايين.
و الدراسة دى أكدت مدى فاعلية السكر على البنى أدم و وجدت الدراسة ان الأشخاص البدناء فيه تغييرات عصبية فى أدمغتهم مشابهة تماما للتغيرات الموجودة فى أدمغة الأشخاص المدمنين على الكوكايين !!
إزاى تتغلب على إدمان السكر:
1- تجنب الأطعمة المصنعة
● تناول المزيد من الأطعمة الكاملة، وتناول كميات أقل من الأطعمة المصنعة..
● الأطعمة المصنعة تحتوى على كميات كبيرة من السكر المضاف إليها، وغالباً بتكون شراب الذرة عالي الفركتوز, و ده مضر جدا لصحتك.
2- تناول حلويات الطبيعة اللى هى الفواكه الطبيعية زى التفاح و البطيخ و التوت.
3- إلتزم بوجباتك طوال اليوم و السناكس الصحية بينهم.
● حاول إنك ماتجوعش نفسك أوى لإن كده هتبقى عرضة لإحتمالية انك تلخبط و تاكل أكل مش صحى ملىء بالسكريات.
4- إتمرن
● التمرين هيساعدك فى التحكم فى عقلك و التحكم فى رغبتك فى أكل السكريات.
5- احصل على 8 ساعات من النوم
● لو مش بتنام كويس هيزداد إحساساك بالإرهاق و الإجهاد، و ده هيرفع رغبتك أكتر فى إنك تاكل حاجات حلوة.
6- إشرب 8 أكواب أو أكثر (حوالى 2 لتر) من الماء يوميا
● الماء هيرفع إحساسك بالشبع و هيقلل رغبتك فى اكل الحلويات.
حاول تستمر لمدة أسبوعين على الأقل على النصائح دى و هتلاقى رغبتك فى أكل الحلويات قلت تدريجيا و بعد كده هتختفى خالص و لو حبيت تحلى اى مشروب مثلا ممكن تستخدم العسل الأبيض الطبيعى أو الإستيفيا و لو كنت محتاج تاكل حاجة حلوة و عندك رغبة كبيرة إنك تاكل حلويات حاول تاكل فاكهة و على سبيل المثال تفاحة مثلا و مع الوقت هتلاقى رغبتك للحلويات انعدمت و إدمانك للسكر انتهى
