الأوميجا و العضلات
الأوميجا-3 معروفة بفوائدها العديدة سواء انها مضادة للالتهابات او انها بتقلل الدهون الثلاثية أو انها بترفع من مستويات الكوليسترول الجيد فى الجسم لكن فى أبحاث كتير تمت مؤخرا ربطت بين الأوميجا-3 و تخليق البروتين و زيادة الكتلة العضلية و تخفيف ألام العضلات بعد التمرين هنتكلم عن جزء منها
دراسة تمت سنة 2012 فى جامعة واشنطن لفهم كيفية تأثير ال ( EPA and DHA)
على نمو العضلات, الدراسة تمت على 9 أشخاص لا يمارسون الرياضة أعمارهم من 25-45 سنة و تم إعطائهم 4 جرام من ال ( EPA and DHA) لمدة 8 أسابيع و تم أخذ النتائج قبل ال 8 أسابيع و بعدها.
النتائج
لم تؤثر الأوميجا-3 على تخليق البروتين بدون الإنسولين و الأحماض الأمينية اللازمة و دى حاجة منطقية جدا ( أكيد مش هتبقى مابتاكلش بروتين كويس و كربوهيدرات صحية سليمة و عايز تزيد كتلة عضلية) لإن الزيادة العضلية تتطلب وجود الأحماض الامينية اللازمة للعملية دى و كمان وجود الإنسولين و هو هرمون بنائى مهم جدا عشان تزيد عضل, بس الدراسة لقيت حاجة مهمة جدا بعد ال 8 أسابيع إن مع زيادة الأوميجا-3 معدل تخليق بروتين العضلات ارتفع بشكل ملحوظ جدا و ده معناه إن بعد إضافة الأوميجا-3 معدل تخليق بروتين العضلات بقى أكبر من معدل تكسير البروتين فى العضلات و وجد إن المسارات المسؤولة عن تخليق البروتين أصبحت أكثر نشاطا بنسبة 50٪ في وجود مستويات أعلى من الأحماض الدهنية أوميجا-3.
فى دراسة تم نشرها فى مجلة الطب الرياضى سنة 2009 بتتكلم عن الأوميجا-3 وعلاقتها بتخفيف ألام العضلات الناتج من التمرين و تمت على 27 شخص مش بيتدربوا و تم إعطائهم 1.8 جرام من الأوميجا-3 فى اليوم مع القيام بتمارين تعتمد على الإطالات العضلية و تم القياس قبل و بعد مباشرة و بعدها ب 24 ساعة و بعدها ب 48 ساعة.
النتائج
و الباحثون وجدوا إن قبل و بعد مباشرة و بعدها ب 24 ساعة ماكنش فى اى تأثير على ألام العضلات و لكن بعدها ب 48 ساعة لقوا إن الأوميجا-3 بتقلل من وجع العضلات اللى بيحصل بعد التمرين (DOMS) أو ال(Delayed onset muscle soreness ) و إن إضافة الأوميجا-3 لنظامك اليومى هيساعدك بشكل كبير فى تخفيف ألام العضلات بعد التمرين و بالتالى الإستشفاء بصورة أسرع.
