ليه لازم تغير نظام اكلك

   
سواء بتعمل دايت أو مبتعملش لازم تغير نظام اكلك مينفعش تاكل كل يوم نفس الاكل طيب ليه!!

أولا عشان مفيش حاجة بتديك فايدة حاجة تانية ربنا خالق كل حاجة ليها فايده معينة ماينفعش مثلا تعوض السمك بالفراخ أو الفراخ باللحمة ف كل حاجة منهم ليها القيمة الغذائية بتاعتها و تحتوى على نسب فيتامينات و معادن و أحماض أمينية مختلفة.

 ثانيا عشان متزهقش  من أكتر الحاجات اللي بتخلي الواحد يزهق في الدايت إنك كل يوم نفس الاكل مفيش تجديد لأ عادي غير في نظام اكلك و مش معني إنك تغيره انك تضرب برجر و حلويات و تعيش حياتك  لأ غيره بأكل صحي برضه يعني مثلا مش كل يوم تفطر شوفان لأ ممكن تفطر بليله أو فول من غير زيت و بدل ما كل يوم بتشرب شاي اخضر اشرب جنزبيل أو قرفة أو ليمون دافي فعادي غير في نظام اكلك بس من غير متبوظه عشان متزهقش و توصل لي اللي أنت عايزه