٤أسباب عشان تاكل الطبق السحرى

طبعا كلنا أوقات كتير مابنقدرش ناخد أكلنا معانا فى مكان رايحين فيه أو الوقت مابيسعفناش ان احنا نحضر حاجة ناخدها قبل ماننزل لو أنت فى مكان و الناس كلها هتاكل و طبعا أنت لازم تاكل معاهم فحاول على قد ماتقدر تبقى حريص و زكى فى أختياراتك الحل السحرى للموقف اللى زى ده هو " السلطة الخضراء ", دايما أطلب سلطة خضراء عادية أو سلطة السيزر بيكون عليها فراخ مشوية و دايما قول للشيف او اللى بتطلب منه مايضفش عليها اى زيوت أو أجبان او عيش و لا تتبيلة لان التتبيلة و الأجبان دى كلها سعراتها الحرارية ممكن تبقى أعلى من طبق السلطة نفسه يبقى معملناش حاجة !!!, لو أنت مش جعان ماتكلش عشان تجامل حد أو عشان خايف تزعل حد منك و دايما حاول قبل ماتنزل من البيت و أنت خارج تاكل كويس جدا و تبقى شبعان لأن ده هيقلل احتمالات انك تبوظ فى الأكل أو تاكل حاجة مش فى نظامك الغذائى.

السلطة و الألياف:

طبق السلطة يحتوي على الخس و الخضروات التي تحتوي على كميات كبيرة من الألياف اللى بتساعد انك تحس بالشبع و الأمتلاء لفترة أطول غير ان الألياف بتساعد فى خفض مستويات الكوليسترول المضر و تجنب الأمساك.

عامل مساعد فى انقاص الوزن:

تناول طبق سلطة خضراء قبل الأكل بيقلل حجم وجبتك؛ و ده نابع من الألياف و الماء اللى فى الخضروات و الأوراق و كلما زادت القيمة الغذائية للسلطة كل ما كانت أفضل يعنى دايما نركز على ارتفاع القيمة الغذائية للسلطة مش ارتفاع سعراتها الحرارية بمعنى انك تزود اضافات صحية ليها أكتر و تضيف حاجات زى أوراق السبانخ,البروكوللى,الأفوكادو , عيش الغراب و بالتالى جسمك هيستفيد أقصى استفادة. 

السلطة و أهميتها للصحة العامة:

السلطة الخضراء من اهم الاغذيه الغنيه بالمعادن والفيتامينات و مضادات الأكسدة القوية (فيتامين C و E، حامض الفوليك، والليكوبين، وألفا وبيتا كاروتين،) و مضادات الأكسدة هي المواد التي تساعد على حماية الجسم من الأضرار التي تسببها الجزيئات الضارة المسماة الشوادر الحرة.

قلبك,عينك,عظامك:

*احتواء السلطة على حمض الفوليك مهم جدا للقلب حيث انه ارتفاع مستوى حمض الفوليك في النظام الغذائي يقلل من خطر الاصابة بالجلطة الدماغية وأمراض القلب والأوعية الدموية.

*الأوراق الخضراء فى السلطة تحتوي على الكاروتينات وفيتامين A، ليوتين و زياكسانثين و دول مهمين جدا لرؤية أفضل. فيتامين (A) بيساعد العينين على التكيف من الضوء الساطع إلى الظلام و الليوتين وزياكسانثين بيساعدوا في تصفية الضوء ذو الطاقة العالية الي ممكن يسبب تلف في العين من الشوادر الحرة.

*الخضروات و الأوراق الخضراء اللى موجودة في السلطة تحتوى على فيتامينات و معادن مهمة جدا جدا بالنسبة للعظام نقص فيتامين K مرتبط بانخفاض كثافة المعادن في العظام.