٤ فوائد للدش البارد
● تحفيز خسارة الوزن:
يحتوى الجسم على نوعين من الأنسجة الدهنية الدهون البيضاء و الدهون البنية, الدهون البيضاء بتتراكم فى الجسم و خصوصا منطقة الخصر و أسفل الضهر و الرقبة و الفخذين و دى بتتراكم لما بناكل سعرات حرارية زيادة عن احتياجنا و دى اللى بنلاقى صعوبة كبيرة فى خسارتها, الدهون البنية دى اللى بيستخدمها الجسم لتوليد الحرارة لتدفئة الجسم و بتتحفز عند تعرضها للماء البارد و وجدت دراسة تمت فى عام 2009 ان التعرض للماء البارد بيحفز الدهون البنية ب 15 ضعف و ده هيخليك تخسر حوالى 4 كجم فى السنة من الدش البارد لو منتظم عليه.
● يزيد عملية الإستشفاء العضلى و تقليل وجع العضلات:
الدش البارد بعد التمرين مهم جدا و مفيد لتخفيف أوجاع العضلات بعد التمرين و فى دراسة تمت على بعض ممارسى الرياضة زى راكبى الدراجات و العدائين و رافعى الأثقال و استخدموا أحواض مليانة ماء بارد بعد التمرين لمدة 24 دقيقة و وجدوا ان لها تأثير قوى على تخفيف ألام العضلات لمدة قد تصل الى أربعة أيام بعد التمرين و وجد أيضا ان التأثير بيبقى أقوى كل لما يكون الماء أشد برودة.
● رفع المناعة و تنشيط الدورة الدموية:
يحسن الماء البارد الدورة الدموية عن طريق تشجيع تدفق الدم حول الأعضاء و ده بيساعد فى مكافحة بعض مشاكل القلب, لما الماء البارد بيلامس الجسم ده بيخلى الشرايين تضخ الدم بكفأة أكبر وبالتالي تعزيز صحة القلب بشكل عام و أيضا يساعد الماء البارد فى تعزيز المناعة و المساعدة فى تقليل ضغط الدم و المساعدة فى تقليل انسداد الشرايين.
● بيزود من الإنتباه و اليقظة:
الدش البارد الصبح من أصعب الحاجات اللى ممكن اى حد يعملها خصوصا فى الشتاء لكن الجسم لما بيتعرض لصدمة الماء البارد صباحا ده بيخلينا نتنفس بعمق أكتر عشان الجسم يستجيب لصدمة الماء البارد و نتيجة لذلك بيزيد إستهلاك الأوكسجين و بالتالى معدل ضربات القلب بيزيد أيضا و ده بيؤدى الى زيادة ضخ الدم فى الجسم بشكل عام و ده بيزود النشاط و التركيز.
