البيض و أهميته كمصدر بروتين و دهون صحية
من مصادر البروتين المهمة جدا و اللى بيعتمد عليها أى رياضى
صفار البيض مفيد جدا لأن فيه نسبة عالية من فيتامين D,A,K ده غير الأوميجا-3 و فيتامين B12
بياض البيض من أهم مصادر البروتين عالية الجودة و اللى بتساعد فى بناء العضلات و اعطاء
الاحساس بالشبع لفترة طويلة و اللى بتساعد بدورها فى المحافظة على الوزن .
بياض البيض مصدر بروتين ممتاز حيث انه بيحتوى على 3.6 جرام بروتين لكل 17 سعر حرارى .
بياض البيض اختيار ممتاز لو اضفته للفطار صباحا او ك وجبة خفيفة بين الوجبات .
يحتوى بياض البيض على 54 مجم من البوتاسيوم و ده يعتبر معدن مهم جدا للجسم و لصحة القلب و العظام و كفاءة عمل الخلايا و الأعضاء.
بجانب البوتاسيوم فبياض البيض يحتوى على كمية مماثلة تقريبا من الصوديوم و المعدنين دول بيشتغلوا مع بعض و بيعملوا تدرج كهروكيميائى أساسى و مهم جدا للانقباض العضلى و نقل النبضات العصبية و نقل المواد الغذائية و نواتج عملية الأيض خلال الخلايا.
بياض البيض مصدر جيدا للريبوفلافين (فيتامين بى 2 ) , 62 % من الريبوفلافين اللى فى البيضة الكاملة موجود فى البياض بس و الفيتامين ده مسؤول عن تحرير الطاقة من الكربوهيدرات و بيساعد فى عملية الأيض و انتاج خلايا الدم الحمراء و بيعمل كمان كمضاد للأكسدة اللى بتكسر بدورها الشوادر الحرة (مضرة جدا و بتقتل الخلايا)