null
×
close
​هل النوم يؤثر على الكورتيزول؟

هل النوم يؤثر على الكورتيزول؟

النوم من أهم الحاجات اللى لازم تهتم بيها لو عايز توصل لهدفك و تحقق نتائج حلوة فى الرياضة بتاعتك و ده لإن و إنت نايم الجسم بيقوم بعملية الإستشفاء و إعادة بناء الأنسجة العضلية اللى بتستخدمها فى تمرينك و كمان و إنت نايم هرمون النمو بيبقى فى أعلى مستوياته و طبعا لا غنى عن هرمون النمو سواء للبناء العضلى أو حرق الدهون أو الإستشفاء و النمو.
● الكورتيزول هرمون ينظم مجموعة واسعة من العمليات في جميع أنحاء الجسم ، بما في ذلك التمثيل الغذائي والاستجابة المناعية و ليه دور مهم جدا في مساعدة الجسم على الاستجابة للإجهاد و هو واحد من الهرمونات الهدامة و ارتفاعه المزمن ليه تأثيرات سلبية كتيرة على الجسم منها:
1- ضعف مناعة الجسم.
2- إرتفاع ضغط الدم.
3- إرتفاع نسبة السكر في الدم.
4- الرغبة الشديدة في تناول الكربوهيدرات.
5- إضطرابات فى عملية التمثيل الغذائى.
6- إرتفاع نسبة الدهون فى الجسم خاصة منطقة البطن.
● أبحاث كتير اتعملت على هرمون الكورتيزول أثناء النوم و النتيجة كانت ان الناس اللى بتنام 4 -5 ساعات أو مابتنامش خالص بترتفع عندهم مستويات هرمون الكورتيزول بصورة كبيرة جدا و ده بيأثر بالسلب على عملية الإستشفاء و البناء العضلى و الإرتفاع المتواصل لهرمون الكورتيزول ممكن يكون عائق كبير جدا بينك و بين أهدافك اللى عايز توصلها فى الرياضة بتاعتك ده غير التأثيرات السلبية الأخرى اللى تم ذكرها فوق.
لازم تنام من 6-8 ساعات ليلا و يكون المكان اللى انت نايم فيه مظلم تماما و مايبقاش فى ضوضاء أو اى مؤثرات صوتية و ده عشان تضمن إفراز الهرمونات اللى جسمك محتاجها خلال النوم عشان يقدر يقوم بعمليات الإستشفاء و البناء العضلى و النمو.

Fast Shipping All Over Egypt

We Ship your order within 24 hours

Secure Shopping

We Accept Visa, Mastercard and more..

Helpful Blog

We have hundreds of articles to help you reach your goals.

24/7 Help Center

We usually reply to your questions within minutes

to top