نفس الكارديو كل يوم

مشكلة كبيرة بتواجه ناس كتير أثناء فترة التخسيس و هو انهم بيفضلوا يتمرنوا كارديو كل يوم بالساعات نفس التمرين و بعد كل التعب و المجهود ده مش بيشوفوا النتيجة اللى هما مستنينها بالرغم انهم بيتمرنوا كويس جدا و بياكلوا صحى و بيناموا كويس طيب المشكلة فين

● أول حاجة لازم تعرفها إن جسمك ذكى جدا و بيتأقلم تحت أى ظروف و أثناء فترة التخسيس بالذات لازم تفضل متابع جسمك كل يوم و تشوف التغيرات اللى بتحصله و فيه مثل مشهور بيقول "إسمع جسمك" و دى معناها انك تراقب جسمك و تشوف التغيرات اللى بتحصله و بناء عليه تاخد خطوات طبقا للتغيرات اللى بتحصل دى.

● لما بتتمرن تمرين الكارديو هو هو كل يوم جسمك بيحصله عملية تكييف للتمرين ده بالإسلوب ده بالسرعة دى ف لو مثلا أول لما بدأت تتمرن نوع الكارديو اللى بتتمرنه كنت بتحرق 200 سعر حرارى بعد فترة جسمك هيحرق سعرات حرارية أقل من ال 200 سعر حرارى بكتير خلال التمرين و ده لان الجسم بيبقى اتعود على نظام التمرين.

إزاى تعالج المشكلة:

1- تغير كثافة تمرين الكارديو.

2- تغير السرعة اللى بتتمرن بيها.

3- تغير تمرين الكارديو.

● و من أفضل الإستراتيجيات إنك تغير نوعية تمرين الكارديو اللى بتتمرنها على الأقل كل أسبوعين.